隔多次價有著數

            隔多次價有著數

     超伯是否紅運當頭。星期五上明愛醫院搭車變行路。

    昨日下午突然架nokia手機自動封咪。幾次覺上袋震動。一時沒有為意。直至晚上熄手機時見有四個留言。然後知手機無聲。

   今日早茶後往豐澤找賣貨員一問。原來啦叭壞佐。叫我去旺角nokia廠修理。

     美孚商場最近開了一間迷你小型專收買二手手機買賣。亦有手機維修服務。因利乘便

    順便問老闆手機換咪收幾多錢。成個青年飛型老細。望超伯一眼。即說一百五十元。繼續低頭打機。完全當超伯冇到。忍住度中氣。離開。

     中午坐車出旺角nokia廠。

嘩!上到二樓已排滿修理手機人龍。

    迫住取籌。先取籌前。有個職員做分流工作。先解釋修理手機檢查費120元。零件另計。換啦叭三百元一共四百二十元。

  是否超伯當紅過頭。咁又唔見幾百元。費時失事。放低起碼要換一星期。

   無可奈何番美孚換。到時見另一個媽咪仔。在鋪面喂飯小朋友。一腳踢。睇鋪做埋老闆娘。

   超伯問換啦叭幾多錢。媽咪仔連飯都唔喂即刻搭:一百元。可能生意難做。做生意先好過漫客。

   超伯亦馬上放低手機。寫單晚上六時取。

   哈哈! 超伯真正紅運當頭。百五變一百。

   隔多次價有著數。