叻老師助教之苦

舊機報銷。三日後。新機上陣。

忍不住手。暫借手提notebook一用。

 

        叻老師助教之苦

      超伯實習兩堂叻老師基礎電腦班助教。真是苦不堪言。初時超伯希望學多的基礎電腦智識。

      特別配多一副老花近視眼鏡。日常配帶是漸進式又老花又近視又遠視。十多年前做白內障配帶眼鏡。

     自從學識blog上網。每晚起碼坐在電腦桌前四五小時。不經不覺加深了近視。初期細字尚可不用眼鏡可以看得好清。現在非戴眼鏡不可。

    做助教坐在老師老遠地方。是邦助遠離電腦螢幕。聽唔到同學。

   超伯患上弱聽。弱視。自己又聽唔到老師講乜鬼野。

   老師多數斯文淡。定。陰聲細氣。好似初戀情人。細聲講大聲笑。

老師講到供堂大笑。超伯頭愕愕。真係唔知佢講乜。

     最怕老師興奮過頭突然問超伯: 我講得啱唔啱。

    真係口食黃蓮心自苦。

   原因遠離聽唔到。睇唔清楚電腦螢幕。叻老師只老鼠左娟右娟。有時老師灑下花式。只老鼠好似大老倌出場走四門。東門,西門,.南門,北門。又帶你遊花園。係咁打白鴿轉。老野睇唔掂。超伯也跟到一舊雲。

   老鼠一停成個畫面變晒。成班同學做到手忙腳亂。同學問超伯點樣搵出來。超伯當堂大口得個窿。面懵懵叫叻老師替我解圍。

    兩堂實習一完。好似大肚婆生仔。淚汗全標。抖了一下大氣。馬上走去寫字樓找Ivan。推去其他尚有六堂實習助教。請他另找耳聰眼明叻助教。

   超伯灑手擰頭。一旦出醜。有辱師門也。

原來做助教是這樣咁辛苦。

  過去幾堂。超伯做叻老師教blog。當正文武生。可以帶人遊完花園。只老鼠仔標上標落。打大番。又走四門。口沫橫飛。唔知助教之苦。

  依家始知!

     揸耳仔!  怕怕咯!!