粵曲失敗否?

     粵曲失敗否?

  [ kc]  [[黃SIR初學粵曲, 一曲既成, 制作CD唱碟, 彩色包裝, 加上大戲裝相lable, 送俾一位聽粵曲的朋友ｏ過了一段日子, 重遇此君！多口問句隻碟唱成點呀？

    個朋友立即顧左右而言他！猛讚隻碟包裝精美！仲問黄SIR制作方法！充滿誠意！黄SIR登時內心一片澄明！你個衰嘢, 根本一次都冇聽過！

而家粵曲剩低D消閒一族, 自唱！自聽！自娛！真的十分艱難去覓知音也！冇市塲SELL 呢D 歌, 又如何產生職業唱手呢？

粵曲剩低一D業餘愛好者, 又怎能興旺呢？

失敗的粵曲ｏ只剩吓D業餘愛好者吧了！]]

       粵曲失敗。最主要原因科技太發達。每一樣要求都可以達到。你唔信可以自己出只粵曲大碟。你要乜腔掣作人員。每粒腔都改到天衣無縫。大老倌入碟公開發售。都要靠科技人員執到正。

     少年人唱時代曲。無需找師傅左教右指點。祈要參加幾個青少年又唱又跳又自彈。經常在公園。街頭。長者中心。滿足表演慾。

   記得以前黑仔在培英學校。買佐個大結他參加學校歌唱班。如果唔出國讀書。應該成名結他手。拾仔初期夾太極羅賓。有一把磁性歌喉。每賽必入選。

    學粵曲其難度要不停洗錢。又要受無形壓力。稍為明白此道理。都改學時代曲。長者中心一百幾十學足十個星期。

   超伯長年累月。對住古靈精怪。牛奶咀。財色兼收頭架師傅。移勘就船。司空見慣。搶食世界。明剃眼眉。互相吹捧。最無料最吹得最勁。

   有台上一分鐘。台下十年功。現在台上一個鐘台下半日功。全台師傅大讚你有[錢]途。大家都是滿足自己。何怪之有。

    粵曲長者中心非常蓬勃。搵食後繼有人。唱唔掂有銀紙搭夠。用一流音響。一流現場收音師傅搭夠。一流扑竹。花竹多過你唱。聽出耳油。拍爛手掌。

     超伯並非發風。我親眼見過這樣的事。平心靜氣講。都是生活迫人。大家要養妻活兒。重邊有心機與時間。去維持這行古老文化遺產。

   不妨看下左右唱粵曲自己死黨。有幾多個全心全意去學。多數身兼百職。日夜忙到發顛。邊度重有全神唱。明乎此! 大家嘻哈又一場。粵曲失敗否? 見人見智。