傑出領袖

「傑出領袖」頒獎禮致辭　何柱國歎香港「俾人逼到埋牆」

何柱國指香港如果經濟不好，是人禍。

    星島新聞集團晚上舉行「2015年傑出領袖選舉」頒獎禮，星島新聞集團主席何柱國開幕致辭時表示，活動舉辦多年，今年是最不開心的一年，因感受到香港「俾人逼到埋牆。他話自己愛講道理，相信邪不能勝正是不變定律，但長和主席李嘉誠日前指香港經濟廿年來最差，「他講得啱，係最差的，各行各業都差到不得了。」

他指造成這個局面是「佔領中環」，「呢個唔係咩政治管理，是人禍，是人造成，是一班無出色的人造成。」

 

      何柱國分別點名批評佔中發起人戴耀廷、學民思潮召集人黃之鋒、本土民主前線梁天琦及公民黨立法會議員梁家傑。

他指戴耀庭，「你落學校教書，你就叫人佔街違反法律，呢個教授係咩教授。」形容同是男拔校友的戴耀廷令男拔「羞家羞到絕頂」。

他指佔中後出現反水貨客行動衝擊內地旅客，發展至最近的旺角暴動，影響本港國際形象，令經濟更差，「佔中後又反水貨，弊端愈來愈出。

第一，你國際形象唔好，你當時好玩，但你會害到人，你唔好以為是害了商家，是害了你身邊的親朋，甚至父母，因為經濟唔好，開始減人工和裁員，呢個是佢哋無諗到，連帶性的關係。」

 

      何柱國又批評學民思潮黃之鋒「不似人形」，「話佢去哈佛？SAT都考唔到啦，入到去哈佛，ABC都跟唔到啦。」由此並批評香港教育失敗，大學生出來的英語水平大跌，「你求其搵個三、四十年前在香港大學畢業的讀英文同依家讀的無得比，好十倍。」

他說香港最大的兩個問題，一個教育問題，一個家庭教育問題。

 

      他指教育失敗有兩個原因，一個母語教育，一個通識，「所以英文水準愈來愈差……所以我希望下一屆政府，有這個魄力行返轉呢條路，畀香港學生行返一條正路，水平高返。」至於家庭教育，他引用美國為例，指美國家庭的子女讀完書，「屋企就唔會理，唔會養。」

但香港家長太緊張，「搞到好多後生仔唔係點做嘢，有屋企養，所以就頹廢到咁樣。」

 

      何柱國又炮轟初一晚的旺角暴亂，批評梁天琦是「大炮王」，「我在香港出世就是本土派，他大陸出世又話自己本土派，即係呃人囉...跟住又話要獨立，咩叫獨立呢？」他認為有些少腦筋的人都知香港無可能獨立的，「咁多年來我見過中央的政策，從來無話要踩香港一腳，要唔支持香港。」他認為，香港不能學中東的革命，「唔好信美國，話甚麼獨立，中東那些家破人亡幾多。

我成日講，香港是一個福地...香港政府的架構是全世界數一數二，照顧各方面。」

 

      何柱國最後又批評公民黨，話曾對公民黨有期望，但呢班讀書人愈來愈差。

「我每次見到梁家傑講嘢，我就幻想他著一件唐衫，在殯儀館內講嘢，似唔似呀，好似堂倌咁樣。班人自己無主見，見到人就跟人，見到長毛做咩就做，長毛只是二打六，玩低級嘢，他們係咪讀書讀壞腦。」

 

想睇最新消息，立即 like 頭條日報FB專頁！>>

 

 

 

 

 

`

 

a