剎那光輝唔代表永恆

剎那光輝唔代表永恆
超伯今晚馬年年初二。獨坐家中看無線轉播每年一度煙花會演。煙花的確燦爛。無非一剎那過眼雲煙。
一時感觸。想起同屋村E座一個非常和藹可親的中年婦人，蔡太，每次在街上相見。滿臉笑容對超伯閒話家常。可憐她的兒子蔡楓華 25年前一時戲言「剎那光輝唔代表永恆」，不單令他事業直插谷底，這句說話亦像詛咒般印證他一生，令他從此絕跡娛樂圈。
早前有傳無綫為慶祝《勁歌金曲》播映 30周年，有意邀請蔡楓華亮相做嘉賓。
難得俾無綫睇得起，我心不死的蔡楓華即重整旗鼓，上月中接受港台夏妙然訪問，訴說當年威水史。
不過，本刊收到可靠消息，多年藏身錦田村屋的蔡楓華，由於失業多時，在有出冇入的情況下，不單要靠綜援過活，更被債主追債。日前，本刊到其住所欲與他做訪問，蔡隔着大門怒吼：「你哋快啲走呀，我依家周身傷，仲俾人打盲咗隻右眼呀！」
25年前的蔡楓華一身白衣，因為唱了〈白馬王子〉一曲，被少女 fans視為心中的白馬王子，可惜好景不再。
翻看蔡楓華檔案，其最後一個搵錢工作，要追溯至 01年 3月在美國大西洋城登台。自此之後，蔡一直坐冷板凳未發過市。其實早年肥媽曾幫他搞過「楓華再現」演唱會大收旺場，而演唱會之父張耀榮亦打算幫蔡楓華達成心願，在紅館開騷。不過蔡最後卻出言得罪二人，令演唱會胎死腹中。記者分別致電肥媽和張耀榮，他們異口同聲說：「咁耐啦，仲嬲乜鬼佢呀！無綫搵佢都啱嘅，佢始終係經典中嘅經典。」
據知坐食山崩的蔡楓華，早前終向社會福利署求助，成功領取每月$3,310的綜援金，但本刊收到消息，指他除了靠綜援金過活外，亦要靠賒借度日，以致債台高築。「佢呢幾年冇嘢做，日日匿喺屋企，唔肯見人。聽講佢依家連屋租都要阿媽交，仲有人講佢之前同出面財仔（財務公司）借落唔少，要屋企人幫手還，最近仲試過有人上門追數。」知情人士透露。
記者曾向村民打聽，其中一個姓陳的村民表示：「其實間中都有啲陌生人嚟搵佢，所以我哋仲以為你哋（指記者）係大耳窿㖭！」另一方面，記者亦有到附近地產公司查詢，一職員表示：「蔡楓華住緊嗰間屋，原本面積 450呎，不過業主就將間屋分拆，間咗三間套房，每間 150呎。蔡楓華好多年前租落其中一間，到依家月租都仲係千五蚊。（有冇見人上門追數？）有聽過，不過冇親眼見到。」
日前，記者連續多日在蔡楓華住了多年的錦田寓所樓下等候，但一直未見他出現，而其居住的單位，窗口長期以白色窗簾布封實，彷彿與外隔絕。就連他經常幫襯的茶餐廳，伙計亦透露已有多天未見他。「佢平時落親嚟食飯，一叫就兩碟咖喱牛肉飯，會落好多豉油同辣椒油；近排叫一碟就夠，佢話自己要 keep fit，想上鏡靚仔啲。不過近排佢真係少咗落嚟。」
直至周一（ 13日）傍晚時分，記者忽然聽到在他的單位傳出〈絕對空虛〉歌聲，而且聲浪頗大。記者拍門欲與他做訪問，但他隨即隔着門叫記者離開。
蔡：我唔係藍潔瑛呀！
記者：記　蔡楓華：蔡
記：阿 Ken，可唔可以同你做訪問？
蔡（語氣激動）：你哋走啦！我唔會開門嘅！我隻右眼俾人打盲咗啦！
記：點解俾人打盲？我哋陪你睇醫生？
蔡（愈講愈勞氣）：我唔係藍潔瑛，一個好有前途嘅歌手，俾你哋搞成咁啦！你哋想幫我嘅，就叫 Sony賠番三千萬俾我先啦，佢哋爭我三千萬又唔還，我已經報咗警啦！
翌日，記者再次入村，對於蔡楓華被人打盲眼一事，原來附近村民亦早有所聞。「係呀，佢隻右眼盲咗呀，所以咪成日戴住個太陽眼鏡囉，其實幾年前呢條村慶祝國慶，都有搵過佢上台唱歌，班村民仲請過佢食盆菜。不過佢成日搵人傾偈，一講就三、四個鐘唔停口，最近仲猛同人講佢會上《勁歌》。前排有人見過佢，話佢真係瘦咗好多。」一村民透露。
其後記者買了一盒咖喱牛肉飯，打算給蔡楓華醫肚，同時希望能夠當面和他做訪問。一門之隔的蔡楓華，卻劈頭說：「邊個？邊個？係咪新 X安？係咪肥媽派嚟嘅？」記者表示買了盒飯給他，他即大嗌：「我唔係狗，呢啲狗食嘅！好啦，你哋唔好再挑釁我，你哋走啦，我知你係邊個，中情局吖嘛！」記者惟有無奈離開。
蔡楓華一句戲言「剎那光輝唔代表永恆」，誤了一生事業？